დღეს ჩვენი საზოგადოება დამოკიდებულია საშინელ ნარკოტიკზე, რომელსაც მე მოვუგონე სახელი – მერყეობა. ცნობილია, რომ არსებობენ ადამიანები არსებობს მათი პოზიციები. პოზიციის არჩევის განმსაზღვრელი კრიტერიუმი უმჯობესია იყოს ამ პოზიციის სასარგებლობა და არა მისი ჭეშმარიტება. ისე, როგორც ეს ჩვენთან ხდება. ჩვენთან მოთხოვნილებაა არა ისეთ ლიდერზე რომელიც კაბინეტში იმუშავებს არა?! ამასთან ერთად იგი უნდა იყოს როგორც ვარსკვლავი და რაც ყველაზე მთავარია ხალხისთვის უნდა განსაზღვრავდეს თუ რაა ჭეშმარიტება, რაა რ ე ა ლ ო ბ ა. ამიტომ პარტიათა უმეტესობა ჩვენთან წარმოადგენს ქარიზმატულ ჯგუფს. რაც შეეხება პოზიციის განზოგადებას სუბიექტურ დონეზე: ადამიანის ცხოვრებისეული სცენარის განსაზღვრისას არსებობს 3 ძირითადი პოზიცია პირველი პოზიცია როცა ადამიანი იმყოფება თავისსავე სხეულში ხედავს თავისივე თვალებით და ლაპარაკობს თავისივე პირით “მე გავაკეთებ ამას და ამას”. მეორე როცა ადამიანი გვერდიდან უყურებს თავის თავს როცა ამბობს “მან ასე გააკეთა, იგი ასე იქცევა”. მესამე პოზიცა – ადამიანი უყურებს სხვათა ურთიერთდამოკიდებულებას ამბობს “ადამიანები ამას შეაფასებენ ასე და ასე” ნებისმიერ ჩვენგანს უხდება ამ პოზიციებში ყოფნა მონაცვლეობით. შეიძლება დღის განმავლობაში რამდენჯერმეც კი. რიჩარდ ბენდლერი წიგნში “ტრანსფორმაცია” წერს: “თქვენ, რომ ზუსტად ისე გამოგეცადათ ის თუ, როგორ გრძნობს, ხედავს და ისმენს სხვა ადამიანი, ამ განცდასთან შედარებით LSD* მოგეჩვენებოდათ ტრივიალური” ერთი ადამიანის მიერ სხვებისადმი ჭეშმარიტების – რ ე ა ლ ო ბ ი ს განსაზღვრა და დადგენა ზუსტად ის ჭირია რისიც ასე ძალიან ეშინია ევროპას. განსაკუთრებით კი გერმანიას. დღეს ჩვენ საზოგადოებაში არის უსაზღვრო მოთხოვნილება მსგავსი ტიპის ლიდერზე და არის დიდი რაოდენობა მსურველებისა, ვინც მზადაა მსგავსი მოთხოვნილება ხალხს დაუკმაყოფილოს. ჩვენი მოსახლეობაც ზის ტელევიზორებთან არა იმის გამო, რომ ახალი ამბები შეიტყოს არამედ იმიტომ, რომ ჭეშმარიტება და მართალი მოძღვრება მოისმინოს. ყურადღება მიაქციეთ ამ შემთხვევაში მე არ ვადანაშაულებ რამეში თვითონ ტელევიზიას. საქმე ისაა, რომ საზოგადოება წინასწარაა განწყობილი შესაბამისად. არსებობს შესანიშნავი გადაცემები სადაც არავინ არაფერს მოგიწოდებს გადაცემები რომლებშიც განიხილება თუნდაც ასეთი თემები, მაგრამ მათი რეიტინგი ძალიან დაბალია.

თავისუფლება და არჩევანი



ქართული პრაქტიკა